Diwonagiye Daṣ̌t - My Wakhi Poetry

1. Daṣ̌teṣ̌ x̌at nʉwdet mareṣ̌ x̌and reč̣ay diwona reč̣
May x̌atay thʉw dʉnyoweṣ̌ kand reč̣ay diwona reč̣

2.    Gardbodi de vedek γ̌afč magam yori nast pidhog
X̌ʉ tilo jonay teṣ̌ may sivand reč̣ay diwona reč̣

3.    Nay tinen tʉ, nay vitay tor, čizreṣ̌ motam naγ̌det ror
Hʉšer wez, miyʉn x̌ater vand, reč̣ay diwona reč̣

4.    Yowi thag nast de ti heṣ̌ tuwet teṣ̌ pilpič yiγ̌ena
Cʉm batkep rand x̌atay fand? Reč̣ay diwona reč̣

5.    Dʉnyowep nay dišt ti dard, kandep hamiša ske ti sar
Dem šʉm dʉnoyway dili γ̌and, reč̣ay diwona reč̣

6.    Pʉṭ car yow yod da xayol, wez ṣ̌exal niv ska x̌ʉ hol
ʉmray sʉmγ̌ʉt x̌ʉ joner rand, reč̣ay diwona reč̣

(20^th July 2013)

مکمل تحریر >>

Qiti Č̣aw - My Wakhi poetry

ʉmre safar darozi,               
Ye ẓ̌ʉ jon deman qiti č̣aw 

Wakhten kuyer lihozi,          
Ye ẓ̌ʉ jon deman qiti č̣aw

Tuṣ̌ ki woc kʉmer qiriber,    
De hʉšeṣ̌ halam diwona
Ẓ̌ʉ khayol zi yozpiyozi,          
Ye ẓ̌ʉ jon deman qiti č̣aw

De qafas žrex̌k mayʉnem,   
Ẓ̌ʉ sadoyi dardet nola
Rakhniγ̌ de har yi sozi,          
Ye ẓ̌ʉ jon deman qiti č̣aw

Vitim wuz de hijr barbod     
Ti čaman ne wosta obod
Darde bisamar biyozi            
Ye ẓ̌ʉ jon deman qiti č̣aw

Intizori vitk nasib maar         
Ṣ̌ox̌teṣ̌ jai jahon ẓ̌ʉ nola                  
Ce dilen niyeṣ̌k owozi           
Ye ẓ̌ʉ jon deman qiti č̣aw

مکمل تحریر >>

Gʉtʉw - My Wakhi poetry

Ajab diwonayi ẓ̌ʉ dil
Kay wozeṣ̌ cart maẓ̌ tawil

Xayolištev pe daṣ̌t wʉrxetk
Resengi ẓ̌ʉ wajʉday zil

Sayodi meherbon čizer?
Čireṣ̌ nay cart ko bismil?

Hazor gerdeṣ̌, hazor tingiγ̌
Safar ẓ̌ʉn vitki bi manzil

Yi nopʉxta gʉtʉw tʉ ẓ̌ʉ jon
Benay yow bay de hijray sil

Wʉzem nay tʉ kʉyer qobil
Kʉyi nasta ko ẓ̌ʉ qobil?

Noyex̌kev niv yoway č̣eẓ̌mišt
May maẓ̌ barbod aey ẓ̌ʉ dil

May thag woz išq wost kʉyer
Wafodoriyi γ̌afč mʉškil 

مکمل تحریر >>

Išqay maẓ̌er dʉo δet - My Wakhi Poetry

Cem waxtay xʉš bahoren
Cem baydet, cem sitoren
Cem hijret intizoren
Vitim bʉland yi ror
Reγ̌dim tre sʉmbahy kor

Išqay maẓ̌er dʉo δet
Aqlay maẓ̌er sado δet
Kivčev maẓ̌er vʉṣ̌etʉ
Waxtev albat wiynetʉ

X̌atev, Qilayi piryen
Manzilni čiz xabar nast
X̌atev yem ẓ̌ʉyi biben
Woz tʉwet borwar nast

Wʉz mast dem x̌ʉ dʉnyo
kandim, x̌ʉ tawčingem dix̌t

X̌atim ki waxti qila
Yemi maẓ̌er bowar taəy
X̌atem ṣ̌ʉnowarem nast
Yowni maẓ̌er xabar taey

Yavay x̌at darozi γ̌afč naγ̌d 

Pe tiriciγ̌ep pʉlan tʉ
Pe wiyinvay zeng may sun tʉ

X̌atem may weṣ̌ ce naγ̌den
Her naγ̌dni sahar taey
Dem ẓ̌ʉ kafi qalam woz
Voini da ẓ̌ʉ nazar taey 

مکمل تحریر >>